E biuta na vuli e na vuku ni mate taka na COVID-19, ka nanuma me sa tekivu vakayagataka na qele me veivuke kina nona vuvale.
E duri tu oqori ko Wainiqolo Junior ke na nona ivesu dalo me lai volitaki.
Na yabaki ni bula e da donuya tu qo, e dodonu me da cakacakataka sara vakavinaka na qele me rawa ni walia na bula dravudravua kei na basulawa e sa yaco tiko e na noda vanua e daidai.
Oqo na veika e vakaraitaka ko Wainiqolo Junior e dua vei ira na cauravou ka biu vuli me vakayagataka na qele me rawata kina na nona bula.
E sa yabaki 18 ko Wainiqolo ka cavutu mai Bucalevu, Nakorotubu, Ra. E ratou lewe ciwa vakaveitacini ka ka va ni qase o koya.
E vakaraitaka ni a tekivu sara ga na nona vakayagataka na qele e na gauna e biu vuli mai kina e na fomu va mai Wainibuka Secondary School.
E biuta na vuli e na vuku ni mate taka na COVID-19, ka nanuma me sa tekivu vakayagataka na qele me veivuke kina nona vuvale.
E kaya e na g auna e biu vuli mai kina o ya e sega tale ni veisautaka na lomana me na tomana tale na nona vuli, e sa gu saraga na lomana me vakayagataka na qele me vaka ni rau lewe rua saraga na tagane kina nona vuvale.
Oqori na nona iteitei ko Wainiqolo Junior. E teivaka tiko na dalo kei na yaqona ka sa tekivu volitaka tiko. E yawa na vanua e teitei tiko kin, e levu na wekana e ra dau veivuke
vua ena teitei. Ena siganisucu ni yabaki sa oti a tekivu volitaka kina nona dalo ena $30 dua nai vesu.
Nikua e vakayagataka tiko ga na nodra qele ni yavusa ko Namatagai ka lima na eka na levu ni vanua e teitei tiko kina, ka’ra teivaka tiko na dalo, tavioka, yaqona kei so na kakana draudrau.
Ena siganisucu ni yabaki sa oti e matai ni gauna me cavuta rawa ni kina e 10 na vesu dalo mai na nona loga ni dalo ka volitaka me $30 dua na ivesu. E tiko tale na yaqona ka’ra sa volitaka tale tikoga.
Na veika e rawata mai o ya e volia kina e dua na nodratou iyaya ni lomani vale (flat- screen) kei na dua na nona siviyara bulumakau me veivuke e na nona iteitei.
E vakaraitaka me teitei vakaukauwa ka maroroya na sede baleta ena yaga vua mai muri.
Oqori na nona iteitei ko Wainiqolo Junior. E teivaka tiko na dalo kei na yaqona ka sa tekivu volitaka tiko. E yawa na vanua e teitei tiko kin, e levu na wekana e ra dau veivuke
vua ena teitei. Ena siganisucu ni yabaki sa oti a tekivu volitaka kina nona dalo ena $30 dua nai vesu.
E levu sara na dredre e sotava me vaka na veisau ni draki ka so na gauna e sega soti ni bula vinaka na itei ka vaka kina na yawa ni vanua e teitei voli tiko mai kina.
Sa veivakasalataki tiko ko Wainiqolo vei ira na nona icaba me ra lesu g a ki nakoro kevaka e ra se ga ni cakava rawa e dua na cakacaka e taoni ka me rawa ni muduki talega kina na levu ni basulawa sa yaco tu e na noda vanua.
Me da teitei vakalevu me vaka ni gauna qo e sa dredre na bula, ka me da kana mai e na buno ni noda cakacaka vakaukauwa ka me da lesu tale e na ivakarau e ra dau vakayacora tu na noda qase e na gauna taumada.
volitaki. E levu na gauna e dau vakayagataka na ose me lai kauta mai na yaqona, me vaka ni yawa na vanua e teitei tiko kina.
Vakatataro: salaseini.guniyaga@fijisun.com.fj
